Hľadaný výraz: isaiah 12, Preklad: Hebrejský - Moderný, Počet výsledkov: 1
| 1 ואמרת ביום ההוא אודך יהוה כי אנפת בי ישב אפך ותנחמני׃ 2 הנה אל ישועתי אבטח ולא אפחד כי עזי וזמרת יה יהוה ויהי לי לישועה׃ 3 ושאבתם מים בששון ממעיני הישועה׃ 4 ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃ 5 זמרו יהוה כי גאות עשה מידעת זאת בכל הארץ׃ 6 צהלי ורני יושבת ציון כי גדול בקרבך קדוש ישראל׃ |
